Von der Leyen endurkjörin forseti

Ursula von der Leyen verður áfram forseti framkvæmdastjórnar Evrópusambandsins næstu fimm árin.

Kosning Evrópuþingsins um embættið fór fram fyrr í dag.

401 kaus með von der Leyen, 284 kusu á móti henni en 15 sátu hjá við atkvæðagreiðsluna.

Frétt af mbl.is

Von der Leyen tilnefnd til að halda áfram

Forseti næstu fimm árin

Leiðtog­ar aðild­ar­landa Evr­ópu­sam­bands­ins tilnefndu von der Leyen í síðasta mánuði til að gegna embættinu næstu fimm árin. Hún hefur gegnt embættinu síðustu fimm ár.

Í embættistíð von der Leyen hefur hún þurft að takast á við strembin verkefni. Heimsfaraldurinn covid-19 fyrir það fyrsta og svo innrás Rússlands í Úkraínu.

Von der Leyen er Þjóðverji og miðju-hægrimaður en hún er flokksmaður í Kristilegum Demókrötum. Hún er læknir að mennt og sjö barna móðir. 

Frétt af mbl.is

Örlög von der Leyen ráðast 18. júlí

Þakklát fyrir kosninguna

„5 ár í viðbót. Ég get ekki lýst því hversu þakklát ég er fyrir traust allra sem kusu mig,“ segir von der Leyen í færslu á miðlinum X. 

Fjöldinn allur af leiðtogum ríkja í Evrópu hafa óskað henni til hamingju með kosninguna. Meðal þeirra er Olaf Scholz Þýskalandskanslari og Donald Tusk forsætisráðherra Póllands. 

Guardian

• Blogga um frétt