Ítalskur blaðamaður hefur verið skikkaður til þess að greiða forsætisráðherra Ítalíu, Georgiu Meloni, skaðabætur fyrir að hafa gert grín að hæð hennar á samfélagsmiðlum.
CNN greinir frá því að blaðamaðurinn, Giulia Cortese, hafi birt færslu á samfélagsmiðlinum X árið 2021, þar sem hún hafði sagst eigi hræðast Meloni, hún væri aðeins 1,20 metrar á hæð. Hún sæi hana ekki einu sinni.
Meloni kærði Cortese fyrir fyrrnefnd ummæli og Cortese hefur verið dæmd til þess að greiða forsætisráðherranum 5.000 evrur eða tæpar 800 þúsund íslenskar krónur í skaðabætur.
Cortese hefur tjáð sig um málið á X og segir ítölsk yfirvöld eiga erfitt með málfrelsi. Ítalía sé að þokast í átt að Ungverjalandi undir stjórn Viktors Orbans, forsætisráðherra þar í landi.
Greint er frá því að Meloni muni gefa upphæðina til góðgerðarmála fái hún bæturnar greiddar.
Italy's government has a serious problem with freedom of expression and journalistic dissent. This country seems to get closer to Orbán's Hungary: these are bad times for independent Journalists and opinion leaders. Let's hope for better days ahead. We won't give up!@Reuters https://t.co/sWojOlMJz1
— Giulia Cortese (@GiuliaCortese1) July 18, 2024