Breyta kvótakerfinu vegna átaka

Hæstiréttur Bangladess hefur úrskurðað að hlutfall opinberra starfa, sem ætluð eru ættingjum hermanna sem börðust fyrir sjálfstæði landsins, verði breytt úr 30% í 5%.

Kvótakerfið veitir ættingjum hermannanna greiðari aðgang að rúmlega helmingi opinberra starfa en mikil mótmæli brutust út víða í Bangladess í mánuðinum vegna ósættis með kerfið.

Frétt af mbl.is

Brutust inn í fangelsi, frelsuðu hundruð manns og kveiktu í

Úrskurðað fyrr vegna mikilla átaka

Dómstóllinn átti að úrskurða um lögmæti kvótakerfisins í næsta mánuði en kvað upp úrskurð sinn fyrr vegna þeirra mótmæla sem orðið hafa í landinu nýlega en meira en 150 manns hafa látið lífið vegna átakanna.

Margir hafa verið ósáttir með kerfið vegna atvinnuleysis í landinu meðal ungs fólks en 18 milljónir ungs fólks í Bangladess er atvinnulaust.

Háskóanemar víða í Bangladess mótmæla því að ákveðnir hópar samfélagsins fái greiðari aðgang að opinberum störfum. AFP

• Blogga um frétt