Flaug dróna áður en hann hóf að skjóta á Trump
Setja bókamerki
Thomas Matthew Crooks flaug dróna yfir tún við hliðina á svæðinu þar sem kosningafundur Donalds Trump var haldinn fyrir viku síðan.
Fréttastofa CBS hefur þetta eftir heimildarmönnum innan lögreglunnar sem þekkja til rannsóknar alríkislögreglunnar á skotárás Crooks.
Enn er verið að rannsaka nákvæmlega hvenær Crooks flaug drónanum, en talið er að það hafi verið nokkrum klukkustundum eða dögum áður en fundurinn fór fram.
Dróni fannst í bifreið Crooks, auk tveggja sprengja, skotfæra og skotvestis.
Heimsótti staðinn áður
Við rannsókn málsins kom í ljós að Crooks hafði leitað að myndum af Butler–býlinu, þar sem fundurinn var haldinn, á netinu.
Einnig leitaði hann að upplýsingum um vopnasala nærri heimili sínu í Bethel Park.
Samkvæmt heimildum CBS heimsótti Crooks vettvang að minnsta kosti einu sinni fyrir árásina.
Leitaði að staðsetningu Trumps
Eftir að staðsetning fundarins var kynnt leitaði Crooks meðal annars að upplýsingum um Trump, Joe Biden Bandaríkjaforseta, hvar Trump yrði þann 13. júlí og landsfund Demókrataflokksins sem verður haldinn í ágúst.
Á þriðjudag mun Kimberly Cheatle, forstjóri bandarísku öryggisþjónustunnar Secret Service, koma fram fyrir eftirlits- og ábyrgðarnefnd fulltrúadeildar Bandaríkjaþings til þess að svara fyrir aðkomu öryggisþjónustunnar á kosningafundinum.
Á miðvikudag mun síðan Christopher Wray, forstjóri alríkislögreglunnar, koma fram fyrir dómsmálanefnd fulltrúadeildarinnar vegna málsins.
Biden dregur framboð sitt til baka
Vatn í tankskipum
Fiskifýluna lagði yfir völlinn
Almannaöryggi ekki í hættu
Segja KÍ hafa leitt skólakerfið í öngstræti
Leitaði föður síns í kolröngu landi
Kerfisbilunin rakin til netöryggisfyrirtækis
Fossvogslaug ekki í áætlunum Kópavogs