Gerðu árásir á Gasa, Líbanon og Jemen
Setja bókamerki
Ísraelsher hefur gert árásir á Gasa, Líbanon og Jemen á síðasta sólarhring í hefndaraðgerðum gegn hryðjuverkasamtökum sem Íranir styðja.
Tugir hafa látið lífið á Gasaströndinni síðasta sólarhringinn eftir árásir Ísraelshers á meðal annars Nuseirat, Bureij og Khan Yunis.
Árásirnar voru gerðar nokkrum klukkustundum eftir að hryðjuverkasamtökin Hamas og Hesbollah skutu eldflaugum frá Líbanon á ísraelskt landsvæði.
Fyrsta loftárásin á Húta í Jemen
Í gærkvöldi gerði Ísraelsher árás á yfirráðasvæði Húta í Jemen. Um var að ræða fyrstu loftárás Ísraela á Húta í Jemen. Árásin var gerð til að hefna fyrir drónaárás Húta á Tel Avív á föstudag.
Hútar hafa hótað hefndaraðgerðum en að minnsta þrír létust og 87 særðust í árásinni sem var gerð á hafnarborgina Hodeida. Hútar eru hliðhollir Hamas.
Hútar, Hamas og Hesbollah, samtök sem eru öll studd af Írönum, hafa heitið því að halda áfram árásum á Ísrael þar til vopnahlé bindur enda á átökin á Gasa.
Yfirvöld á Gasa greina frá því að nærri 40 þúsund manns hafi látist í átökunum sem hófust 7. október með hryðjuverkaárás Hamas í Ísrael.
Ávinna sér réttindi þrátt fyrir flutninga
Almannaöryggi ekki í hættu
„Dapurlegt“ hve lítið heyrist í menntamálaráðherra
Fiskifýluna lagði yfir völlinn
Uppgjöf gagnvart neyðarástandi: Afdrifarík mistök
Vatn í tankskipum
Börnum mismunað eftir búsetu á Íslandi