Kemur konunum til varnar sem vörðu Trump
Setja bókamerki
Alejandro Mayorkas, þjóðaröryggisráðherra Bandaríkjanna, andmælti fordómafullum ummælum gagnvart kvenkyns starfsmönnum bandarísku öryggisþjónustunnar sem vörðu Donald Trump forsetaframbjóðanda í skotárásinni á kosningafundi hans í Pennsylvaníu.
„Þessar fullyrðingar eru tilhæfulausar og móðgandi,“ sagði í yfirlýsingu Mayorkas eftir að nokkrir hægrimenn innan bandarísku stjórnmálanna sökuðu öryggisþjónustunna um að vera vökul (e. woke) í ráðningarferli sínu sem leiddi til þess að Trump var nærri myrtur.
Mayorkas hrósaði þeim „mjög svo hæfu og vel þjálfuðu“ konum sem starfa í löggæslu um Bandaríkin öll fyrir að hætta lífi sínu „á fremstu víglínunni fyrir öryggi þjóðarinnar“.
„Þær eru hugrakkar og óeigingjarnar,“ sagði hann og bætti við að þær ættu skilið þakklæti og virðingu.
Þjóðaröryggisráðuneytið mun halda áfram „með miklu stolti“ að ráða konur til löggæslu að sögn ráðherrans.
Rúm vika er síðan skotárás var gerð á kosningafund Trumps í Pennsylvaníu. Einn lést, tvær særðust og skot hæfði eyra Trumps.
„Enginn af okkar besta fólki eru konur“
Nokkrar konur voru á meðal fulltrúa öryggisþjónustunnar sem skýldu Trump og komu honum af vettvangi.
Þær, auk yfirmanni þeirra Kimberly Cheatle – sem er önnur konan til þess að gegna stöðu forstjóra bandarísku öryggisþjónustunnar – eru nú harðlega gagnrýndar fyrir störf öryggisþjónustunnar í kringum árásina.
„Það ættu ekki að vera neinar konur í öryggisþjónustunni. Þetta eiga að vera okkar allra bestu, enginn af okkar besta fólki eru konur,“ tísti hægri öfgahyggjusinninn Matt Walsh á X.
Cheatle hefur verið boðuð á fund eftirlits- og ábyrgðarnefnd fulltrúardeildar Bandaríkjaþings á þriðjudag þar sem hún mun þurfa að svara fyrir aðkomu öryggisþjónustunnar á kosningafundinum.
Staðfestir ótrúlega yfirburði sína
Börnum mismunað eftir búsetu á Íslandi
Vatn í tankskipum
Kerfisvillan leiðrétt
Hver var hvati Crooks?
„Dapurlegt“ hve lítið heyrist í menntamálaráðherra