Ísrael hefur byrjað að bólusetja hermenn sína á Gasa fyrir mænusótt og byrjað að úthluta bóluefni fyrir Palestínumenn á svæðinu eftir að Alþjóðaheilbrigðismálastofnunin (WHO) varaði við mögulegri hættu á faraldri á Gasa. 

Í yfirlýsingu hersins sagði að sérstök aðgerð væri hafin til þess að bólusetja alla hermenn hersins sem koma að aðgerðum á Gasa. 

Herinn gaf ekki út hversu margir yrðu bólusettir, en þúsundir manna taka þátt í átökunum. 

Þúsundir Palestínumanna eru á flótta. AFP

300 þúsund skömmtum dreift

Sex sýni, sem voru tekin á vegum WHO 23. júní, greindu mænusótt á Gasa. Hingað til hafa þó ekki borist tilkynningar um staðfest tilfelli mænusóttar meðal íbúa þar. 

Að sögn Ísraelshers hefur nú þegar 300 þúsund skömmtum af bólefni verið dreift til Palestínumanna á Gasa. 

Mænusótt, eða lömunarveiki, er smitsjúkdómur af völdum veiru sem lagst getur á taugakerfi líkamans. Sjúkdómurinn er mjög smitandi og getur meðal annars borist í menn með vatni. 

Skólp rennur nú á milli margra tjalda í flóttamannabúðum á Gasa og þá er drykkjarvatn af skornum skammti. 

Tengdar fréttir

Ísrael/Palestína

Gerðu árásir á skóla og flóttamannabúðir

• Ekki verið nær vopnahléi í rúmlega ár
• Glyttir í vopnahlé: 30 gíslar yrðu frelsaðir
• Á þriðja tug manna lést eftir árás Ísraelsmanna
• Að minnsta kosti 22 sagðir drepnir í loftárásum

» Fleiri tengdar fréttir

• Blogga um frétt