Kamala Harris: „Saman munum við vinna þetta“
Setja bókamerki
Kamala Harris, varaforseti Bandaríkjanna, hrósaði Joe Biden forseta fyrir skömmu er hún hélt tölu í fyrsta sinn síðan að Biden tilkynnti að hann myndi ekki sækjast eftir endurkjöri.
Harris sagði á viðburði í Hvíta húsinu í dag Joe Biden hefði afrekað meira en nokkur annar forseti í nútímasögu.
Kynntis Biden í gegnum son hans
Hún nefndi að hún hafi fyrst kynnst Biden í gegnum son hans, Beau Biden. Hann var þá ríkissaksóknari í Delaware og hún í Kaliforníu.
„Á þeim tíma sagði Beau mér oft sögur af pabba sínum. Hann sagði mér frá því hvernig faðir hann var og hvernig maður Joe var. Eiginleikar Bidens sem Beau bar mesta viringu fyrir eru þeir sömu og ég hef séð á hverjum degi í forsetatíð okkar,“ sagði hún meðal annars og þakkaði honum fyrir störf sín fyrir bandarísku þjóðina.
Beau Biden lést úr heilakrabbameini árið 2015.
Heldur til Delaware
Harris heldur til Wilmington í Delaware síðar í dag til að heilsa upp á kosningateymið sitt þar sem hún byrjar „fyrsta heila daginn“ í kosningabaráttu sinni, að hennar sögn á samfélagsmiðlinum X.
„Þetta er fyrsti heili dagur kosningabaráttunnar, þannig ég er á leið upp í Wilmington, DE seinna til að heilsa starfsfólk okkar í höfuðstöðvunum. Einn dagur kominn, 105 fram undan. Saman munum við vinna þetta,“ skrifaði Harris á X.
Óráðleg og afdrifarík ákvörðun skólayfirvalda
Einsdæmi að ekki séu samræmd próf
Kæru vættir, færið okkur logn!
„Það er stutt á milli stórra atburða“
Hver var hvati Crooks?
Leitaði föður síns í kolröngu landi
Foreldrar skilja ekki einkunnir barna sinna
„Það er þá bara alltaf orðrómur“