Kerfisbilunin hefur enn áhrif á Delta
Setja bókamerki
Kerfisbilun sem varð hjá Microsoft á föstudag hefur enn áhrif á bandaríska flugfélagið Delta. Flugfélagið þurfti að aflýsa hundruðum flugferða vegna bilunninnar í dag.
Bilunin varð í kerfum Microsoft vegna uppfærslu netöryggisfyrirtækisins Crowdstrike. Talið er að hún hafi haft áhrif á um 8,5 milljónir tölva um allan heim.
Áhrifin eru ekki jafnmikil á flugfélögin American og United sem þurftu einungis að aflýsa nokkrum ferðum í dag.
Delta þurfti hins vegar að aflýsa 784 ferðum það sem af er degi. Þá þurfti að seinka 1.028 ferðum félagsins í dag.
Samgöngustofa sent Delta áminningu
„Á meðan önnur flugfélög hafa náð að jafna sig, hefur Delta átt í erfiðleikum,“ sagði í skriflegu svari samgöngustofu Bandaríkjanna til AFP–fréttaveitunnar.
Þá hefur stofnunin sent áminningu um skyldur flugfélaga er kemur að þjónustu við viðskiptivini sína til Ed Bastian, forstjóra Delta.
Í tilkynningu á vefsíðu Delta biður Bastian viðskiptavini afsökunar.
„Teymin okkar hafa unnið allan sólarhringinn til þess að koma kerfunum okkar í lag,“ sagði í yfirlýsingu forstjórans.
Þá sagði að viðskiptavinir geti breytt ferðum sínum án endurgjalds á meðan ástandið varir.
„Óviðunandi eftirlit með börnum“
„Mér finnst gamla Samfylkingin komin aftur“
Ný ríkisstjórn kynnt á morgun
„Tímabil aukinnar eldvirkni“
Helgi Magnús mætir til starfa í dag
Nágrannaþjóðir upplýstar en við vöðum í blindni
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur