Íslenska vegabréfið tíunda öflugasta ferðaskilríki heims

Íslenska vegabréfið er í tíunda sæti yfir öflugustu ferðaskilríki heims, í einkunnagjöf sem er gerð á þriggja mánaða fresti yfir þau vegabréf sem opna mönnum flestar dyr.

Frétt af mbl.is

Íslenska vegabréfið tryggir aðgang að 182 löndum

Undanfarin 19 ár hefur Henley Passport Index, sem er alþjóðlegt ráðgjafarfyrirtæki um ríkisborgararétt og búsetu í London, Henley & Partners, fylgst með ferðafrelsi í 227 löndum og svæðum um allan heim með því að nota gögn frá Alþjóðasambandi flugfélaga (IATA).

Veitir aðgang að 184 löndum án vegabréfsáritunar

Vegabréf Singapúr-búa er í fyrsta sæti líkt og í fyrra, en það veitir aðgang að 195 löndum um allan heim án þess að fólk þurfi vegabréfsáritun. Íslenska vegabréfið er í tíunda sæti, það veitir aðgang að 184 löndum, en sama gildir um vegabréf frá Lettlandi, Slóvakíu og Slóveníu.

Í öðru sæti eru vegabréf Japans, Þýskalands, Frakklands, Ítalíu og Spánar. Ríkisborgarar þeirra landa geta ferðast án vegabréfsáritunar til 192 landa í heiminum.

Í þriðja sæti eru vegabréf Suður-Kóreu, Svíþjóðar, Finnlands, Austurríkis, Írlands, Lúxemborgar og Hollands. Ríkisborgarar þeirra landa geta ferðast til 191 lands án áritunar.

Bretland er í fjórða sæti ásamt Nýja-Sjálandi, Noregi, Belgíu, Danmörku og Sviss. Ríkisborgarar þeirra landa geta ferðast án vegabréfsáritunar til 190 landa í heiminum. 

Ástralía og Portúgal deila fimmta sætinu, ríkisborgarar þeirra geta ferðast til 189 landa án vegabréfsáritunar, en Bandaríkjamenn eru í áttunda sæti með 186 lönd.

• Blogga um frétt