Leiðir í könnunum og hjá veðbönkum
Setja bókamerki
Tengdar fréttir
Donald Trump fyrrverandi Bandaríkjaforseti
Donald Trump forsetaframbjóðandi er talsvert líklegri en Kamala Harris, varaforseti Bandaríkjanna, til þess að vinna forsetakosningarnar samkvæmt veðbönkum. Hann leiðir líka í nýjustu skoðanakönnunum.
RealClear Politics er búið að taka saman meðaltal veðbanka og samkvæmt þeim eru sigurlíkur Donalds Trumps 58,4% á sama tíma og sigurlíkur Kamölu Harris eru 32,7%.
Sigurlíkur Kamölu Harris eru þó umtalsvert meiri samkvæmt veðbönkum heldur en sigurlíkur Bidens voru orðnar.
Trump leiðir í fyrstu könnun
Kamala Harris, varaforseti Bandaríkjanna, virðist hafa náð að tryggja sér stuðning nógu margra kjörmanna Demókrataflokksins og má því gera ráð fyrir að hún verði útnefnd forsetaframbjóðandi flokksins.
Samkvæmt RealClear Politics er aðeins ein könnun sem hefur verið gerð í kjölfar þess að Biden dró framboð sitt til baka og Harris tilkynnti framboð, þann 21. júlí. Það er könnun Morning Consult og þar mælist Trump með tveggja prósentustiga forskot á landsvísu.
Quinnipiac gerði könnun dagana 19.-21. júlí og þá mældist Trump einnig með jafn mikið forskot á Harris. Sömu daga lét Forbes gera fyrir sig könnun og mældist þá Trump með sex prósentustiga forskot gegn Harris.
Eðli málsins samkvæmt hafa fáar kannanir verið gerðar sem mæla fylgi Trumps og Harris. Má gera ráð fyrir því að í þessari viku og næstu komi skýrari mynd á það hvar leikar standa, en rúmlega 100 dagar eru til kosninga.
Tengdar fréttir
Donald Trump fyrrverandi Bandaríkjaforseti
Segir umræðuna storm í vatnsglasi
Einsdæmi að ekki séu samræmd próf
Sætir ákúrum umboðsmanns
Óráðleg og afdrifarík ákvörðun skólayfirvalda
„Þau eru ónæm fyrir alvarleika málsins“
Veitti fá svör um banatilræðið við Trump
Framkvæmdir í uppnámi