Microsoft kennir reglum ESB um að gölluð öryggisuppfærsla hafi getað valdið stærstu upplýsingatækniröskun heims.

Segir tæknirisinn að samningur við framkvæmdastjórn Evrópusambandsins frá árinu 2009 hafi komið í veg fyrir að hægt hafi verið að gera öryggisbreytingar sem komið hefðu í veg fyrir CrowdStrike-uppfærsluna sem hafði áhrif á um 8,5 millj­ón­ir tölva um all­an heim á föstudag.

Dagblaðið Telegraph greinir frá.

Frétt af mbl.is

Olli bilun í 8,5 milljónum tölva

Hannað til að koma í veg fyrir netárásir 

Um var að ræða uppfærslu á svokölluðum Falcon-skynjara í kerfi CrowdStrike, sem hannaður er til að koma í veg fyrir netárásir, en skynjarinn hefur forgang að lykilhluta tölvu sem kallast stýrikjarni. 

Hafði þessi forgangur þau áhrif að ómögulegt var að vinna á milljónir Windows-tölva vegna gallaðrar uppfærslu. Áhrifanna gætti á ýmsa geira víða um heim, þar á meðal flugsamgöngur og snertilausar greiðslur, auk þess sem víða var ekki hægt að bóka tíma í hinar ýmsu þjónustur. 

Frétt af mbl.is

Þurfi jafnvel að draga fyrirtækið til ábyrgðar

Apple með lokað fyrir aðgang að stýrikjarna

Microsoft samþykkti árið 2009, eftir evrópska samkeppnisrannsókn, að leyfa mörgum öryggisveitum að setja upp hugbúnað á stýrikjarnastigi.

Apple lokaði aftur á móti fyrir aðgang að stýrikjarnanum á Mac-tölvunum sínum árið 2020 og sagði það gert til að bæta öryggi og áreiðanleika. 

Talsmaður Microsoft sagði í samtali við Wall Street Journal að Microsoft gæti ekki gert sams konar breytingu vegna ESB-samkomulagsins. 

Frétt af mbl.is

Almannaöryggi ekki í hættu

Tengdar fréttir

Kerfisbilun hjá Microsoft

Segir afsökun Microsoft lélega

• Kerfisbilunin hefur enn áhrif á Delta
• Olli bilun í 8,5 milljónum tölva
• Þurfi jafnvel að draga fyrirtækið til ábyrgðar
• Bilun hjá Reiknistofu bankanna: Ótengd Microsoft

» Fleiri tengdar fréttir

• Blogga um frétt