Donald Trump forsetaframbjóðandi, segir að það verði auðveldara fyrir hann að vinna líklegan andstæðing hans, Kamölu Harris, varaforseta Bandaríkjanna, heldur en Joe Biden Bandaríkjaforseta, í komandi forsetakosningum í nóvember.
Trump tjáði sig á samfélagsmiðli sínum, Truth Social, í kvöld og sagði þar að Harris væri vinstrisinnaðri en Biden og því ætti að vera auðveldara fyrir hann að vinna kosningarnar.
Trump er talsvert líklegri en Harris, til þess að vinna forsetakosningarnar samkvæmt veðbönkum. Hann leiðir líka í nýjustu skoðanakönnunum.