Hryðjuverkasamtök heilla unglinga á Tiktok
Setja bókamerki
Hryðjuverkasamtökin ISIS-Khorasan (ISIS-K) hafa reynt að bólstra lið sitt með ungmennum með því að nota samfélagsmiðla á borð við TikTok. Ný rannsókn sýnir að 38 ungmenni á aldrinum 13 til 19 ára voru meðal 58 meintra gerenda eða skipuleggjenda í 27 ISIS tengdum árásum eða áætlunum sem tókst að koma í veg fyrir.
Þá sýni tölur frá Europol að fjöldi tilfella þegar það komi að hryðjuverkaárásum eða -áætlunum hafi fjórfaldast á aðeins tveimur árum eða frá 2022.
Afganskur angi íslamska ríkisins, ISIS-Khorasan, eða ISIS-K, hefur verið að sækja í sig veðrið frá stofnun árið 2015. Fyrstu liðsmenn ISIS-K voru að miklu leyti pakistanskir talíbanar og fór hópurinn að vaxa sérstaklega þegar liðsmenn ISIS í Írak flúðu þaðan til Pakistan og Afganistan í kringum fall þessa hóps árið 2017.
Ítarlega var fjallað um ISIS-K og stöðuna í Afganistan í fréttaskýringu á mbl.is fyrr í þessum mánuði.
Óttast endurreisn skipulagðrar hryðjuverkastarfsemi
Óttast er að endurreisn skipulagðrar hryðjuverkastarfsemi sé í vændum og vekur auðsjáanleg fjölgun ungs fólks innan raða ISIS-K óhug. Af þeim 27 árásum eða áætlunum sem að skoðuð voru í fyrrnefndri rannsókn, sem framkvæmd var við King's College háskólann í London snerust tvö tilfellana um einhverskonar aðför ungmenna að Ólympíuleikunum í París.
Reuters greindi frá því fyrr í vikunni að frönsk yfirvöld hafi sérstaklega fylgst með og skoðað samfélög farandsfólks frá fyrrum Sovétríkjum til þess að vernda leikana frá ISIS-K. Þau hafi þó ekki komið auga á beinar ógnir. Þess má geta að Tadsíkistan er eitt fyrrum Sovétríkja en ISIS-K hefur herjað sérstaklega á Tadsíka til þess að fá þá með sér í lið.
Afhendir yngri kynslóðum keflið
Ísland orðið of dýrt
Umboðsmaður barna krefur ráðherra um svör
/frimg/1/50/63/1506351.jpg)
Halla komin „á hálan ís“ í auglýsingu Brimborgar
„Björguðu lífi þessa fólks“
Leitaði að upplýsingum um Kennedy-morðið
Kennir að vera Íslendingur í þúsundasta skipti