Lestarkerfið í Frakklandi er í uppnámi aðeins nokkrum klukkustundum áður en opnunarathöfn Ólympíuleikanna er haldin í París eftir að umfangsmikil skemmdarverk voru framin á hraðlestarkerfi Frakka í skjóli nætur.

Franska ríkislestarfyrirtækisin SNCF segir um „umfangsmikla árás“ að ræða þar sem m.a. var kveikt í innviðum.

„Þetta er umfangsmikil árás á stórum mælikvarða til að lama TGV-lestarkerfið,“ segir SNCF.

Verður óumflýjanlegt að aflýsa mörgum ferðum og gæti ástandið varað alla helgina á meðan unnið er að lagfæringum.

„SNCF varð fórnarlamb nokkurra grimmilegra skemmdarverka sem framin voru á sama tíma í skjóli nætur.“

SNCF hvetur farþega til að fresta ferðum og halda sig frá lestarstöðvum.

Enginn hefur lýst ábyrgð á skemmdarverkunum.

Búast við 300.000 áhorfendum

Búist er við 300 þúsund áhorfendum og 7.500 íþróttamönnum á opnunarhátíð Ólympíuleikanna sem halda á síðar í dag í París.

Patrice Vergriete samgönguráðherra Frakklands hefur fordæmt árásirnar skemmdarverkin sem hann segir munu setja ferðalög fólks í uppnám.

Í viðtali við BBC segir Amélie Oudéa-Castéra, ráðherra íþróttamála, að enn sé verið að meta hvaða áhrif þetta muni hafa á almenning sem og íþróttamennina sem keppa á leikunum.

Fréttin hefur verið uppfærð.

Tengdar fréttir

Spellvirki á hraðlestarkefin í Frakklandi

Lestakerfi Frakka aftur komið í eðlilegt horf

• Kort: Meiriháttar spellvirki í Frakklandi
• Spellvirkin hafi engin áhrif á setningarathöfnina
• Saksóknaraembættið hefur rannsókn á spellvirkjunum
• Biðja fólk um að koma ekki á lestarstöðina

» Fleiri tengdar fréttir

• Blogga um frétt