Snýr aftur á staðinn þar sem hann var skotinn
Setja bókamerki
Donald Trump forsetaframbjóðandi hyggst snúa aftur í bæinn þar sem hann var skotinn og halda kosningafund til að heiðra minningu mannsins sem var myrtur og hinna tveggja sem særðust í banatilræðinu.
Aðeins tvær vikur eru síðan að Matthew Crooks reyndi að ráða Trump af dögum í bænum Butler í Pennsylvaníuríki.
Trump var skotinn í eyrað en Corey Comperatore, stuðningsmaður á kosningafundinum, var einnig skotinn og lést.
Ætlar að halda „stóran og fallegan“ fund
Á samfélagsmiðlinum Truth Social sagði Trump að hann myndi halda „stóran og fallegan“ kosningafund til að heiðra Corey og hina sem sem særðust.
Comperatore skilur eftir sig eiginkonu og tvær dætur. Hann var á fundinum ásamt eiginkonu sinni og einni dóttur og lést við að skýla þeim fyrir byssukúlunum.
Trump sagði ekki hvenær fundur myndi fara fram.
Forstjórinn sagði af sér
Margar spurningar hafa vaknað um það hvernig Crooks tókst að ná að skjóta Donald Trump og á dögunum sagði Kimberly Cheatle, forstjóri bandarísku öryggisþjónustunnar Secret Service, af sér eftir ákall um slíkt frá bæði demókrötum og repúblikönum.
Sagði hún sjálf að árásin væri „veigamestu mistök öryggisþjónustunnar í áratugi“.
Umboðsmaður barna krefur ráðherra um svör
Segir afsökun Microsoft lélega
Hlutfallslega flestir fóru í Voga
Mönnun lögreglu líður fyrir mótmæli
/frimg/1/50/63/1506351.jpg)
Halla fær rafbíl á sérdíl
Engin tengsl virðast vera á milli drengjanna
„Björguðu lífi þessa fólks“