Átta voru stungnir í stunguárás í bænum Southport í norðvestur Englandi. Allir hafa verið fluttir á sjúkrahús og þar með talið á barnaspítala. Árásin virðist hafa beinst að börnum.

Lögreglan á Merseyside var kölluð að Hart Street í Southport um klukkan 10.50 að íslenskum tíma. Vopnaðir lögreglumenn handtóku karlmann og lögðu hald á hníf í hans fórum. Tildrög árásarinnar eru ekki vituð að svo stöddu.

Nálægt árásinni var jóga- og dansviðburður í gangi sem var nefndur í höfuðið á söngkonunni Taylor Swift. 

BBC greinir frá.

Sá alblóðuga stúlku

BBC hefur eftir blaðamanninum Tim Johnson að árásin hafi átt sér stað á barna- og frístundarheimilinu Hope of Hart. Johnson sagði fórnarlömbin hafa verið börn. Kveðst hann hafa séð eina stúlku á sjúkrabörum sem var alblóðug.

„Foreldrar hennar voru að hlaupa á eftir henni. Þetta var hræðilegt. Ég hef aldrei séð annað eins,“ sagði hann.

Sjúkraflutningamenn á vegum North West Ambulance Service (NWAS) sögðust hafa meðhöndlað átta sjúklinga með stunguáverka og að nokkrir þeirra hefðu verið fluttir á Alder Hey barnaspítalann.

Tengdar fréttir

Stunguárás í Southport á Englandi

Verður ákærður fyrir hryðjuverk

• Katrín geislandi í óvæntri heimsókn
• Karl Bretakonungur tjáir sig um óeirðirnar
• Tveggja ára fangelsi fyrir myndbönd á Instagram
• 20 mánaða fangelsi fyrir Facebook-færslur

» Fleiri tengdar fréttir

• Blogga um frétt