Bjargað við Grænland eftir nauðlendingu á sjó

Tveggja sæta ferjuflugvél nauðlenti á sjó á milli Kanada og Grænlands í gær. Tveir hermenn danska sjó- og lofthersins á Grænlandi og Færeyjum, Arktisk Kommando, komu farþegum til bjargar.

Þetta kemur fram í tilkynningu Arktisk Kommando þar sem saga björgunarinnar er rakin.

Flugmönnunum tókst að veifa til viðbragðsaðila úr björgunarbáti.

Samhæfð björgunaraðgerð

Neyðarkall barst frá flugvélinni sem var á leið frá Kanada til Narsarsuaq í suðurhluta Grænlands í gær. Viðbragðsaðilar voru fljótir til og komu auga á flugvélina áður en hún lenti í sjónum.

Vélin nauðlenti þar suðvestur af bænum Qaqortoq og gátu flugmennirnir veifað til viðbragðsaðila úr björgunarbáti.

Skipið Triton náði til þeirra á innan við 30 mínútum eftir lendingu.

• Blogga um frétt