Ísraelsher hæfði tíu skotmörk í Líbanon á sjö mismunandi svæðum í nótt. Loftárás hersins varð vígamanni Hisbollah-samtakanna að bana að sögn hersins. 

Gagnárás Ísraelshers er í kjölfar loftárásar sem gerð var á Gólanhæðir á laugardaginn og varð tólf ungmennum að bana. Loftárásin var rakin til Líbanon og segja yfirvöld í Ísrael og Bandaríkjunum Hisbollah-samtökin bera ábyrgð á henni, en samtökin neita sök. 

Frétt af mbl.is

Fresta ferðum til Beirút vegna hótana Ísraels um hefnd

Hæfðu hernaðarleg skotmörk 

Að sögn hersins hæfðu skeyti hernaðarleg skotmörk á borð við vopnageymslur samtakanna í suðurhluta Líbanon og urðu einum vígamanni samtakanna að bana. 

Benjamín Netanjahú, forsætisráðherra Ísraels, hét hefndum í kjölfar árásarinnar á Gólanhæðir. 

Samkvæmt yfirvöldum í Ísrael var flugskeytið sem hæfði Gólanhæðir af íranskri gerð. 

Tengdar fréttir

Ísrael/Palestína

Ísraelar ráðast að Beirút

• Níu hermenn sakaðir um að nauðga palestínskum fanga
• Örugglega hægt að koma í veg fyrir stórstríð
• Fresta ferðum til Beirút vegna hótana Ísraels um hefnd
• Ísrael heitir hefndum en Hisbollah neita sök

» Fleiri tengdar fréttir

• Blogga um frétt