Mótmælendur umhverfissamtakanna Just Stop Oil sprautuðu appelsínugulri málningu víða um flugstöðvarbyggingu 5 á Heathrow-flugvelli í dag. Mótmælendurnir tveir hafa verið handteknir.
Gjörningurinn er sagður hluti af alþjóðlegum aðgerðum sem að 21 hópur á vegum samtakanna í tólf löndum hafi tekið þátt í. Gjörningar hafi farið fram á 18 flugvöllum hingað til.
🚨 BREAKING: HEATHROW AIRPORT PAINTED ORANGE
— Just Stop Oil (@JustStop_Oil) July 30, 2024
🧯 Phoebe and Jane have covered the departure boards in terminal five in orange paint, as part of the international uprising with @_oilkills.
🛢️ Demand our government Just Stop Oil by 2030 — https://t.co/xAyrqHDJYe pic.twitter.com/cDOGC2og9B
Í gær hlekkjuðu mótmælendur frá Just Stop Oil hendur sínar saman með ferðatöskum rétt hjá öryggishliði á Gatwick-flugvelli og gerðu ferðamönnum erfitt fyrir að komast um völlinn. Átta voru handteknir vegna málsins.
Haft er eftir talsmanni Heathrow-flugvallar sem segi nauðsynlegt fyrir flugiðnaðinn að minnka kolefnisfótspor sitt en að ólöglegar og óábyrgar mótmælaaðgerðir séu ekki rétta leiðin áfram og verði ekki liðnar.
Þetta er ekki í fyrsta sinn sem samtökin framkvæma verknað á borð við þennan. Þau hafa meðal annars sprautað appelsínugulri málningu á einkaþotur og Stonehenge ásamt því að skvetta tómatsúpu á málverk Van Gogh.