Boðar fyrsta fundinn með varaforsetaefninu
Setja bókamerki
/frimg/1/50/70/1507018.jpg)
Kamala Harris, varaforseti Bandaríkjanna og væntanlegur frambjóðandi demókrataflokksins, hefur boðað til kosningafundar á þriðjudag. Er búist við því að hún tilkynni varaforsetaefni sitt á fundinum.
Samkvæmt fréttastofu Reuters hefur framboð Harris tilkynnt að fundurinn verði haldinn í Philadelphiu í Pennsylvaníuríki og verði upphaf fjögurra daga kosningaferðalags. Munu Harris og varaforsetaefni hennar einnig funda í Michigan, Arizona, Nevada og Wisconsin.
Shapiro orðið fyrir valinu?
Er staðsetning fyrsta fundarins talin gefa til kynna að ríkisstjórinn Josh Shapiro, sem hefur verið orðaður við varaforsetastöðuna, hafi orðið fyrir valinu en Shapiro er fæddur og uppalinn í Pennsylvaníu.
Kann valið á Philadelphiu þó einnig að táknrænt fyrir Demókrataflokkinn, sem vann atkvæði ríkisins til baka frá repúblikönum árið 2020.
Önnur nöfn sem hefur borið á góma undanfarnar vikur sem möguleg varaforsetaefni Harris eru Andy Beshear ríkisstjóri Kentucky, öldungadeildarþingmaðurinn Mark Kelly frá Arizona, Tim Walz ríkisstjóri Minnesota og Pete Buttigieg samgönguráðherra Bandaríkjanna.
Þyrla hrapaði á byggingu á Írlandi
Sauðfé líklega orðið jökulhlaupinu að bráð
Ósammála starfsbræðrum sínum
Segir ráðherra hafa skort áhugann
Ofmenntun útlendinga algeng
Færeyingar hóta afleiðingum
Skoða hvort sami maður hafi berað sig ítrekað
Landris mælist en sprengigos kæmi á óvart