Antony Blinken, utanríkisráðherra Bandaríkjanna, segir brýnt að ná fram vopnahléi á Gasa eftir drápið á Hamas-leiðtoganum Ismail Haniyeh.
Hryðjuverkasamtökin Hamas greindu frá því í morgun að Haniyeh hefði verið drepinn í loftárás Ísraela á Íran. Árásin átti sér stað í Teheran, höfuðborg Írans, þangað sem Haniyeh var mættur til að vera viðstaddur embættistöku nýs forseta landsins.
Rætt var við Blinken í Singapúr. Hann neitaði að tjá sig beint um drápið á Haniyeh, en sagði nauðsynlegt að ná fram vopnahléi á Gasa.