Erlent | mbl | 31.7.2024 | 10:58

Ísrael undirbýr sig fyrir átök

Yoav Gallant, varnarmálaráðherra Ísraels, segir að Ísrael undirbúi sig fyrir hvað sem er. AFP

Yoav Gallant, varnarmálaráðherra Ísraels, segist ekki vilja stríð í kjölfar drápsins á stjórnmálaleiðtoga Hamas samtakanna, Ismail Haniyeh.

Þrátt fyrir það segir hann að Ísrael undirbúi sig fyrir allar mögulegar aðgerðir.

Samkvæmt fréttamiðlum í Íran lést Haniyeh í loftárás í Teheran, höfuðborg Írans. Hann var staddur þar í landi til að vera viðstaddur embættistöku nýs forseta landsins.

Frétt af mbl.is

Segja leiðtoga Hamas hafa verið drepinn

Hóta hefndum

Æðsti leiðtogi Írans, Ayatollah Ali Khamenei, hefur hótað hefndaraðgerðum fyrir morðið á Haniyeh. Þá hafa Hamas-samtökin einnig boðað til hefnda.

Haniyeh var búsettur í Katar og hafði verið í samningaviðræðum við Ísraela um friðarsamning á Gasa-svæðinu, en þar hefur verið stríðsástand síðan að Hamas réðst inn í Ísrael 7. október í fyrra.