Samantekt: Harðnandi átök í Mið-Austurlöndum
Setja bókamerki
Líklegt þykir að dráp Ísraelsmanna á Ismail Haniyeh, stjórnmálaleiðtoga Hamas-hryðjuverkasamtakanna, muni leiða til frekari átaka í Mið-Austurlöndum. Hamas-samtökin og Íran hafa hótað hefndum fyrir drápið.
Ísrael gerði loftárás á Teheran, höfuðborg Írans, í morgun sem varð Haniyeh að bana. Hann var þar í landi til að vera viðstaddur við embættistöku nýs forseta landsins.
Hver er Ismail Haniyeh?
Haniyeh hefur verið í Hamas-samtökunum frá stofnun þeirra. Hann var forsætisráðherra Palestínu frá árinu 2006 til 2007 eftir að Hamas-samtökin unnu meirihluti í þingkosningum árið 2006.
Þá var hann leiðtogi Hamas á Gasa-svæðinu í 11 ár frá 2006 til 2017. Síðustu ár hefur hann verið búsettur í Katar og hefur hann tekið þátt í vopnahlésviðræðum á Gasa-svæðinu, en þar hefur verið stríðsástand síðan Hamas gerði mannskæða árás á Ísrael 7. október í fyrra.
Harðnandi átök
Á laugardag gerði Líbanon eldflaugaárás á knattspyrnuvöll á hinum hernumdu Gólanhæðum í Sýrlandi í dag þar að minnsta kosti tíu manns létu lífið, þar á meðal börn. Ísraelsmenn sögðu Hisbollah-samtökin hafa átt í hlut og hótuðu hefndaraðgerðum en samtökin neita sök.
Frá árinu 1981 hafa Ísraelsmenn sagt að Gólanhæðir séu ísraelskt yfirráðasvæði en það tilheyrði áður Sýrlandi.
Í gær, þremur dögum síðar, gerði Ísraelsher loftárás á sjö mismunandi svæði í Líbanon sem varð Faud Shukr, vígmanni Hisbollah-samtakanna, að bana. Þá létust einnig tvö börn í árásinni og særði fjölda fólks.
Hóta hefndum og undirbúa átök
Undir morgun bárust fregnir að því að Ismail Haniyeh hafi verið drepinn í loftárás Ísraelshers í Íran, en þar var hann til að vera viðstaddur embættistöku nýs forseta landsins. Í kjölfarið hótaði Ayatollah Ali Khamenei, æðsti leiðtogi Írans, því að refsa Ísrael fyrir drápið.
Þá hefur Hamas einnig hótað hefndum fyrir morðið og segja það færa stríðið við Ísrael á „nýtt stig“ og vara við afleiðingum þess fyrir botni Miðjarðarhafs.
„Þetta morð færir stríðið upp á nýtt stig og mun hafa gríðarlegar afleiðingar fyrir allt svæðið,“ sagði í yfirlýsingu Ezzedine al-Qassam hersveitanna, en bardagamenn þeirra eiga í hörðum bardögum við ísraelska hermenn á Gasa.
Yoav Gallant, varnarmálaráðherra Ísraels, gaf út yfirlýsingu í kjölfarið þar sem hann sagðist ekki vilja harðnandi átök þrátt fyrir morðið. Þó sagði hann að Ísraels undirbúi sig fyrir allar mögulegar hefndaraðgerðir ríkjanna.
/frimg/1/50/70/1507046.jpg)
Hvað næst?
Það er erfitt að spá fyrir um hvað verði næst, en líklegt þykir að frekari átök muni brjótast út á næstu dögum.
Fráfall Haniyeh skilur Hamas-samtökin eftir án opinbers pólitískan leiðtoga sem getur verið mikið áfall fyrir alþjóðlega starfsemi þeirra, en það mun ólíklega hafa áhrif á hernaðarlega getu samtakanna.
Samkvæmt heimildamanni CNN var Haniyeh lykilmaður í viðræðunum um vopnahlé á Gasa-svæðinu og sagði að fráfall hans gæti flækt samningsviðræðurnar til muna. Fyrr í þessum mánuði var útlit fyrir að samningsviðræðurnar væru að þokast í rétta átt.
Í kjölfar andlátsins birti Al-Thani, forsætisráðherra Katar og sáttasemjari í viðræðunum, færslu á X þar sem hann spyr:„Hvernig getur sáttamiðlun heppnast þegar annar aðili myrðir samningsmanninn hinu megin við borðið?“
Þegar Katla gaus: Eldurinn sást frá Vestfjörðum
Þyrla hrapaði á byggingu á Írlandi
„Sorg að þessi góði maður“ hafi verið drepinn
Segja leiðtoga Hamas hafa verið drepinn
Kvika reyndi að komast af stað
Segir ráðherra hafa skort áhugann