Svíþjóð og Bandaríkin sameinast um kjarnorku

Svíþjóð hefur undirritað samning við Bandaríkin um stuðning við uppbyggingu kjarnorku í báðum löndum. 

Löndin munu þannig deila reynslu sinni þegar kemur að stefnumótun, rannsóknum og nýsköpun sem tengjast birgðakeðjum, fjármögnunarlíkönum, færniframboði og þróun háþróaðs kjarnorkueldsneytis, að því er fram kemur í tilkynningu frá ríkisstjórn Svía. 

Frétt af mbl.is

Svíar ætla að byggja nýja kjarnaofna

„Þetta er gott fyrir Svíþjóð“

„Þetta er gott fyrir Svíþjóð, Bandaríkin, vinnumarkaðinn og samkeppnishæfni,“ er haft eftir Ebbu Busch orkumálaráðherra í tilkynningunni. 

Þá segir jafnframt að Svíþjóð og Bandaríkin hafi mikla reynslu af kjarnorku og að bæði lönd hafi uppi áform um að þróa hana áfram. 

Áform um stórfelldar stækkanir næsta áratuginn 

Í nóvember á síðasta ári lagði ríkisstjórnin fram áform með vegvísi að stóraukinni nýtingu kjarnorku á næstu áratugum til að mæta vaxandi eftirspurn á raforku. 

Fyrsta skrefið er að byggja kjarnakljúfa með heildarafkastagetu upp á að minnsta kosti 2.500 megavött fyrir árið 2035 og síðan enn frekari stækkun fyrir árið 2045. 

Í Svíþjóð eru nú reknir sex kjarnakljúfar í þremur mismunandi kjarnorkuverum.

• Blogga um frétt