Antony Blinken, utanríkisráðherra Bandaríkjanna, segir sterk sönnunargögn fyrir því að Nicolás Maduro sé ekki réttur sigurvegari í nýliðnum forsetakosningum í Venesúela.

Mikil upplausn ríkir í landinu í kjölfar kosninganna en Maduro hefur lýst yfir sigri í kosningunum þvert á það sem út­göngu­spár og skoðanakann­an­ir bentu til.

„Í ljósi yfirgnæfandi sönnunargagna er það Bandaríkjunum og ekki síst fólkinu í Venesúela ljóst að Edmundo González Urrutia hlaut flest atkvæði í forsetakosningunum Venesúela þann 28. júlí,“ sagði Blinken. 

Frétt af mbl.is

Hundruð handtekin í Venesúela

Íbúar Venesúela hafa mótmælt niðurstöðunum og hefur fjöldi fólks verið handtekinn. AFP

Fleiri dregið niðurstöðurnar í efa

Leiðtogar Suður-Ameríkuríkja á borð við Brasilíu, Mexíkó og Kólumbíu hafa hvatt yfirvöld í Venesúela til að birta öll gögn í tengslum við kosningarnar. Kína, Rússland og Íran hafa viðurkennt niðurstöðurnar og óskað Maduro til hamingju með sigurinn.

Síðasta sunnudag tilkynnti landskjörstjórn Venesúela, sem ein­ung­is er skipuð sam­flokks­mönn­um Maduros, að Maduro hefði sigrað kosningarnar og myndi því sitja sitt þriðja kjörtímabil. Var niðurstöðunum strax mótmælt af stjórnarandstöðunni með vísan í kvittanir úr rafrænum kosningavélum sem þau höfðu aðgengi að.

Hafa íbúar Venesúela haldið á götur út í kjölfarið til að mótmæla niðurstöðunum, en margir segja kosningunum hafa verið stolið.

Fjöldi fólks hefur verið handtekinn fyrir borgaralega óhlýðni. Maria Cor­ina Machado, leiðtogi stjórnarandstöðunnar, hefur farið í felur og kveðst óttast um líf sitt vegna valda Maduros. 

Frétt af mbl.is

Í felum og óttast um líf sitt

Tengdar fréttir

Venesúela

Í felum og óttast um líf sitt

• Íbúar Venesúela flýja til Kólumbíu
• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“

» Fleiri tengdar fréttir

• Blogga um frétt