Tveir greindir með apabólu
Setja bókamerki
Lítið hefur heyrst af apabólu, eða mpox, frá árinu 2022 en í dag greindust tveir með veirusjúkdóminn í Úganda og hefur Afríkubandalagið lagt rúmar tíu milljónir bandaríkjadala til að koma í veg fyrir faraldur.
Eftirlit er nú með níu manns sem hafa verið í návist þeirra smituðu.
Tilfellin tvö greindust í Kasese-héraðinu við vesturlandamæri landsins, en talið er að einstaklingarnir hafi ekki sýkst í Úganda, heldur í nágrannaríkinu Lýðstjórnarlýðveldinu Kongó.
11 þúsund manns sýktir
Þess má geta að í júlímánuði voru fjögur tilfelli apabólu staðfest í öðrum Afríkuríkjum, en í Kenía greindist einn og í Búrúndí greindust þrír. Gerðu þá yfirvöld Lýðstjórnarlýðveldisins Kongó ráð fyrir að meira en 11.000 manns væru sýktir af apabólu þarlendis og að 450 dauðsföll mætti rekja til sjúkdómsins.
Afríkubandalagið hefur brugðist við útbreiðslu sjúkdómsins og renna nú rúmar tíu milljónir bandaríkjadala í ýmsar forvarnir.
Með fjármagninu er meðal annars gert ráð fyrir að hægt verði að auka eftirlit með sýkingum, fjölga prófunum og auka aðgengi að bóluefnum.
„Börn heima sem maður myndi vilja hafa í skjóli“
„Þetta er ríkisstjórn almannahagsmuna“
Forstjóri bendir á ábyrgð birgja vegna verðhækkana
„Tímabil aukinnar eldvirkni“
Var engin kristnitaka árið 1000?
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
