Harris og Trump þræta um kappræður
Setja bókamerki
Kamala Harris, væntanlegur forsetaframbjóðanda demókrata, sagði Donald Trump, forsetaframbjóðanda repúblikana vera „hræddan“ eftir að hann lagði til breytingu á fyrirhuguðum kappræðum frambjóðendanna.
Í gær greindi Trump frá því að hann hefði samþykkt að mæta Harris í kappræðum á Fox News þann 4. september.
Harris vill hins vegar kappræður á ABC News þann 10. september. Um þær hafði verið samið áður en Joe Biden Bandaríkjaforseti dró framboð sitt til baka.
Trump hélt kosningafund í Atlanta í gær þar sem hann sagðist hafa „samþykkt“ áætlun Fox. Kappræðurnar færu fram fyrir áhorfendum í sal í Pennsylvaníu.
„Við ætlum að taka þátt í einum [kappræðum] á Fox, ef hún mætir,“ sagði Trump og bætti við: „Ég held að hún mæti ekki. Hún getur ekki talað.“
Vonar að Fox bjargi honum
Kosningateymi Harris vísaði ummælum Trump á bug.
„Donald Trump er hræddur og er að reyna hætta við kappræðurnar sem hann samþykkti nú þegar og hlaupa strax til Fox News til þess að bjarga honum,“ sagði í yfirlýsingu Micheal Tyler, talsmanns Harris.
„Hann þarf að... mæta til leiks á kappræðurnar sem hann hefur skuldbundið sig við 10. september.“
Þungbært að missa félaga
Ísrael rýfur öll tengsl við UNRWA
Líkur á vatnavöxtum og varað við skriðum
„Allir tilbúnir að hjálpa“
Hvað verður um sakamálin ef Trump vinnur? Eða tapar?
Boða umbreytingu í grunnskólanum
/frimg/1/42/49/1424939.jpg)
Jarðskjálftahrina við Vífilsfell
Björgunarsveitarmaður á æfingu lést við Tungufljót