Sheikh Hasina, forsætisráðherra Bangladess, hefur sagt af sér embætti í kjölfar mikilla óeirða þar í landi. Hún hefur flúið frá höfuðborginni Dhaka.
Fleiri hundruð þúsund mótmælenda í Bangladess hafa að undanförnu krafðist afsagnar Hasina og sakað hana um spillingu í starfi, en hún flúði land í morgun þegar þúsundir mótmælenda brutust inn á heimili hennar.
Mikil ólga hefur ráðið ríkjum í Bangladess síðan í júlí, en þá hófust mótmæli stúdenta gegn kvótakerfi í landinu. Kerfið veitir ættingjum hermannanna greiðari aðgang að rúmlega helmingi opinberra starfa.
Mótmæli gærdagsins voru sú blóðugustu en að minnsta kosti 94 létu lífið vegna þeirra. Útgöngubann tók gildi í Bangladess síðdegis í gær og var lokað fyrir aðgang að interneti víða í landinu til að sporna við frekari mótmælum.