UNRWA telur starfsmenn hafa átt aðild að árásinni
Setja bókamerki
Sameinuðu þjóðirnar tilkynntu í dag að níu starfsmenn Palestínuflóttamannahjálparinnar (UNRWA) hefðu „að öllum líkindum“ átt aðild að stórfelldri hryðjuverkaárás Hamas á Ísrael, þann 7. október 2023, þar sem hátt í 1.200 voru myrtir, og á þriðja hundrað gíslar teknir.
Haft er eftir Farhan Haw, talsmanni Sameinuðu þjóðanna, í frétt AFP-fréttastofunnar, að stofnunin hafi nú áreiðanleg gögn undir höndum sem sýni þetta, en starfsmennirnir níu hafa allir verið reknir frá stofnuninni.
Í febrúar fyrr á þessu ári sögðust Ísraelar hafa sannanir fyrir því að starfsmenn UNRWA hefðu tekið þátt í árás Hamas, en í kjölfarið frystu mörg ríki tímabundið fjárstuðning sinn til stofnunarinnar, þar á meðal íslensk stjórnvöld.
Mörg ríki hófu þó fjárstuðning sinn við UNRWA á ný eftir að rannsókn á ásökunum Ísraela hófst, en í júní á þessu ári tilkynnti Ásmundur Einar Daðason, barna- og menntamálaráðherra, um að íslensk stjórnvöld myndu hækka fjárframlög til stofnunarinnar um 100 milljónir á þessu ári.
Samanlögð framlög Íslands til stofnunarinnar munu því nema um 290 milljónum króna í ár.
Skýrt að hótanir verði ekki liðnar
Þyrla Landhelgisgæslunnar kölluð út
„Ekkert afgerandi bongó í kortunum“
Þrír fangaverðir á spítala eftir árás fanga
Leggur til lausn við samgönguvandanum
Boða „sterka innkomu“ Starbucks á Íslandi
Segir sóðaskapinn ekki íbúum að kenna