Hassan Nasrallah, leiðtogi hryðjuverkasamtakanna Hisbolla í Líbanon, segir samtökin og Íran skyldug að bregðast við árásum Ísrael eftir að háttsettur leiðtogi Hesbolla, Fuad Shukr, og leiðtogi hryðjuverkasamtakanna Hamas, Ismail Haniyeh, voru felldir í síðustu viku.
Ísrael og Hesbolla hafa skipst daglega á skotum yfir landamæri Ísraels og Líbanons í kjölfar árásar Hamas á Ísrael þann 7. október.
Nasrallah segir Írana telja sig vera skylduga að bregðast við með viðeigandi hætti og hét hefndum í sjónvarpsávarpi í dag, „hverjar svo sem afleiðingarnar verða.“