Pólskur karlmaður hefur verið dæmdur í fjögurra mánaða fangelsi í Danmörku fyrir meiriháttar líkamsmeiðingar gegn opinberum starfsmanni, þar sem hann réðst á Mette Frederiksen, forsætisráðherra Dana í júní.

Verður honum einnig vísað úr landi og gert að sæta endurkomubanni í sex ár. 

Þá er hann einnig dæmdur fyrir blygðunarsemisbrot þar sem hann hefur nokkrum sinnum berað sig fyrir ungum konum í þeirra óþökk, að sögn dómara.

DR greinir frá.

Frétt af mbl.is

Mette Frederiksen kýld í Kaupmannahöfn

Bar fyrir sig minnisleysi

Hinn 39 ára pólverji réðst á forsætisráðherrann á Kolatorginu í Kaupmannahöfn í byrjun júní en hann neitaði sök og bar fyrir sig minnisleysi þegar hann var dreginn fyrir dóm.

Frederiksen bar sjálf ekki vitni í málinu. Talið er að maðurinn hafi ráðist á Frederiksen vegna þess að hún er forsætisráðherra, þó hvötin á bak við árásina sé ekki endilega talin pólitísk.

„Við leggjum áherslu á sérkenni og grófleika hlutanna og að árásin gegn forsætisráðherranum hafi verið framin í hans frítíma.“

Maðurinn sagðist ekki ætla að áfrýja dómnum þegar dómari hafði lokið máli sínu.

Frétt af mbl.is

Of ölvaður til að muna eftir árásinni á Frederiksen

Tengdar fréttir

Ráðist á Mette Frederik­sen

Of ölvaður til að muna eftir árásinni á Frederiksen

• Frederiksen ber ekki vitni í eigin líkamsá­rásarmáli
• Maðurinn ákærður fyrir ofbeldi gegn Frederiksen
• Telja hinn ákærða líklegan til flótta
• Leitaði sér hjálpar eftir árásina

» Fleiri tengdar fréttir

• Blogga um frétt