Dæmdur fyrir kynferðisbrot gegn tugum hunda

Á dögunum var Bretinn Adam Britton, sem eitt sinn var virtur krókódílasérfræðingur, dæmdur í meira en 10 ára fangelsi í Ástralíu fyrir að beita hunda kynferðislegu ofbeldi og fleiri brot.

Britton sem er 53 ára játaði að hafa framið 63 brot í tengslum við dýraníð, það að hafa átt kynmök við dýr og að hafa barnaklám í vörslum sínum.

Í dómsuppkvaðningu yfir Britton á fimmtudaginn lýsti dómarinn verkunum sem „ósegjanlegum“ og „gróteskum“.

Frétt af mbl.is

Misþyrmdi og drap tugi hunda

Lofaði góðu heimili

Ástralska ríkisútvarpið ABC sagði frá því að Britton hafi eignast 42 hunda á netinu á árunum 2020 til 2022 og lofað eigendum þeirra að hann myndi gefa þeim „gott heimili“.

Þess í stað tók Britton sig upp þegar hann nauðgaði og drap hundana í flutningagámi á lóð sinni.

Myndbandsupptökunum var síðar deilt á samfélagsmiðlinum Telegram og var Britton handtekinn 2022.

Má ekki eiga spendýr framar

Britton sem er fæddur í Bretlandi er þekktur krókódílasérfræðingur í Ástralíu og vann að nokkrum verkefnum fyrir bæði breska ríkisútvarpið BBC og National Geographic.

Hann mun geta sótt um reynslulausn í apríl árið 2028 en í dómnum kom einnig fram að hann megi ekki eiga spendýr til æviloka.

• Blogga um frétt