Feðgar létust í eldflaugaárás Rússa

Fjögurra ára drengur og faðir hans létust í Kænugarði í dag þegar eldflaug sem Rússar skutu varð þeim að bana.

Volodímir Selenskí Úkraínuforseti skrifar um þetta í færslu á miðlinum X.

Hann segir eldflaugina koma frá Norður-Kóreu en auk feðganna særðust þrír aðrir í árásinni.

Selenskí segir það réttlætanlegt af Úkraínumönnum að bregðast við þessari „skelfingu“ með þeim hætti sem er nauðsynlegur.

Verði dregnir til ábyrgðar

Í síðustu viku létust í það minnsta tíu og 35 særðust þegar herlið Rússa réðst á mat­vöru­versl­un í bæn­um Kosty­antyni­vka í aust­ur­hluta Úkraínu.

„Rúss­ar verða dregn­ir til ábyrgðar fyr­ir þessi ógn­ar­verk,“ sagði Selenskí í færslu á Tel­egram.

Frétt af mbl.is

Minnst tíu látnir eftir árás Rússa í matvöruverslun

• Blogga um frétt