Jarðskjálfti reið yfir Los Angeles

Jarðskjálfti reið yfir frá Los Angeles-borg til San Diego-borgar í dag. Skjálftinn var 4,4 að stærð.

AP-fréttastofan greinir frá.

Kemur fram að byggingar hafi sveiflast til og frá, leirtau hafi farið á hreyfingu og öryggiskerfi bíla hafi farið af stað en engar stærri skemmdir hafi orðið. Sömuleiðis hafi engin slys á fólki verið tilkynnt enn.

Þá hafi ekki verið búist við flóðbylgju í kjölfar skjálftans.

Upptök skjálftans voru í Higland Park-hverfinu í Los Angeles á um 12 kílómetra dýpi.

Þó að litlar skemmdir hafi orðið vegna skjálftans og fólk virðist hafa sloppið með skrekkinn truflaði skjálftinn til dæmis sjónvarpsútsendingar og skólar voru rýmdir til öryggis.

• Blogga um frétt