Bandaríska matsfyrirtækið Fitch hefur lækkað lánshæfi ísraelska ríkisins úr A+ í A.

Fitch varar við því að átökin við hryðjuverkasamtökin Hamas gætu varað fram á næsta ár og veikt efnahagslíf Ísraels.

Þá segir Fitch að auk mannfalls geti átökin á Gasasvæðinu leitt til verulegra viðbótarútgjalda til hermála og eyðileggingar innviða og dregið úr fjárfestingum.

Áætlað er að halli verði á fjárlögum Ísraels á þessu ári.

Segir matið muni hækka þegar Ísraelar vinna

Benjamín Netanjahú, forsætisráðherra Ísraels, segir efnahagslífið vera traust.

„Lækkunin er afleiðing af því að Ísraelar hafa staðið í stríðum á mörgum vettvöngum,“ sagði í yfirlýsingu forsætisráðherrans.

„Matið hækkar aftur þegar við vinnum, og við munum vinna.“

Tengdar fréttir

Ísrael/Palestína

Hótar að hætta í ríkisstjórn Ísraels

• Útlit fyrir vopnahlé á næstu dögum
• Segir Hamas reiðubúin að sleppa 34 gíslum
• „Þessum hryllingi verður að linna“
• Átta milljarða vopnasala til Ísraels

» Fleiri tengdar fréttir

• Blogga um frétt