Volodimír Selenskí, forseti Úkraínu, segir úkraínskar hersveitir halda áfram að sækja fram í rússneska héraðinu Kúrsk. 

Í færslu á X segir Selenskí að hersveitirnar hafi náð að sækja fram í ýmsar áttir í um einn til tvo kílómetra.

Fram kemur í frétt breska ríkisútvarpsins að fréttastofan hafi ekki náð að fá þetta formlega staðfest og ekki sé vitað hversu stórt landsvæði í Rússlandi Úkraínumenn hafi sölsað undir sig. 

Oleksandr Sirskí, sem er hér til vinstri á myndinni, er yfirmaður allra herja Úkraínu. AFP

Handsamað 100 hermenn og skotið niður fimm milljarða herþotu

Þá segir Selenskí frá því að hann hafi rætt við Oleksandr Sirskí, sem er yfirmaður allra herja Úkraínu, sem greindi forsetanum frá því að úkraínski herinn hefði handsamað um 100 rússneska hermenn í aðgerðum sínum. 

„Ég er þakklátur öllum þeim sem tóku þátt,“ sagði Selenskí.

Volodimír Selenskí, forseti Úkraínu. AFP

Þá segir í frétt á vef Telegraph að úkraínskum hersveitum hafi tekist að skjóta niður dýrustu herþotu Rússa yfir Kúrsk.

Um er að ræða herflugvél af gerðinni Su-34. Ein svona þota, sem er stundum kölluð Bakvörðurinn, kostar um 30 milljónir punda, eða sem samsvarar um 5,3 milljarða kr. 

Haft er eftir Sirskí að himininn yfir Kúrsk sé nú heiður eftir þessa aðgerð.

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

Rússland

Norðurkóreskir hermenn felldir í Evrópu

• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir
• „Þakklátur fyrir hermennina sem verja Úkraínu“

» Fleiri tengdar fréttir

• Blogga um frétt