Dómstólar á Grænlandi framlengdu í dag gæsluvarðhald yfir aðgerða- og umhverfissinnanum Paul Watson til 5. september. Ekki hefur verið tekin ákvörðun um hugsanlegt framsal Watsons til Japan.
Watson sem er bandarísk-kandadískur var handtekin í Nuuk á Grænlandi í júlí samvæmt alþjóðlegri handtökuskipun en hann á yfir höfði sér ákærur, maðal annars fyrir aðild að líkamsárás og innrás í skip, í Japan.
Ákærurnar eiga rætur sínar að rekja til þess þegar samtökin Sea Shepherd Conservation Society sem Watson stofnaði fóru um borð í japanska hvalveiðiskipið Shonan Maru 2 í Suðurhafi í febrúar 2010.
„Grænlenskir dómstólar ákváðu í dag að Paul Watson verði áfram í haldi til 5. september 2024 til að tryggja viðveru hans í tengslum við ákvörðunina um framsalið,“ sagði í yfirlýsingu frá grænlensku lögreglunni.