Ellefu ára gamall strákur var stunginn til bana í spænska bænum Mocejón í dag.
Spænski fréttamiðillinn El País greinir frá.
Strákurinn var að spila fótbolta með öðrum börnum í bænum þegar grímuklæddur maður stakk hann. Talið er að árásarmaðurinn sé 16 eða 17 ára gamall og að hann hafi stungið strákinn nokkrum sinnum.
Í Mocejón búa um 5000 manns. Fjölskylda stráksins rekur eitt vinsælasta bakaríið í bænum.
Frændi stráksins sagði við fjölmiðla í dag að hann hafi verið góður strákur. Svona afbrot hafi ekki verið framin þessum litla bæ áður og fjölskyldan sé í áfalli.