„MPX er ekki nýja Covid“

Útbreiðsla MPX-veirusjúkdómsins, sem áður kallaðist apabóla, er ekki Covid-19 endurtekið að sögn Alþjóðaheilbrigðisstofnunarinnar (WHO). Stofnunin segir að þegar sé til mikil þekking um veirusjúkdóminn og aðferðir til að takast á við hann.

Hans Kluge, yfirmaður Evrópudeildar WHO, segir að þrátt fyrir að þörf sé á frekari rannsóknum á 1b-afbrigði sjúkdómsins, sem leiddi til þess að WHO lýsti því yfir að afbrigðið væri bráð ógn við lýðheilsu þjóða heims, þá sé hægt að draga úr útbreiðslunni. 

Frétt af mbl.is

Almenningur ekki í hættu en vel fylgst með

Í júlí árið 2022 lýsti WHO því yfir að 2b-afbrigði MPX-veirunnar væri bráð ógn við lýðheilsu þjóða, en það afbrigði var talsvert hættuminna en nýjasta afbrigðið og hafði aðallega áhrif á samkynhneigða eða tvíkynhneigða karlmenn. Hættunni var síðan aflétt í maí í fyrra. 

„MPX er ekki nýja Covid,“ fullyrðir Kluge. 

„Við vitum hvernig við eigum að takast á við MPX. Og, innan Evrópu, þekkjum við þau skref sem þarf að stíga til að uppræta útbreiðsluna alfarið,“ sagði Kluge við blaðamenn í Genf í dag. 

Frétt af mbl.is

ECDC: Evrópa búi sig undir fleiri apabólusmit

Hvað er MPX veira (e. Mpox)?

„MPX veirusjúkdómur (áður apabóla) er landlægur í Mið- og Vestur Afríku þar sem veiran smitast helst frá dýrum (nagdýrum) í fólk. Veiran greindist fyrst í öpum árið 1958 og fékk þannig fyrst nafn sitt (monkeypox), en fyrsta tilfelli í fólki greindist árið 1970. Veiran er orthopox veira og er náskyld bólusóttarveiru (smallpox). Sjúkdómurinn hefur hingað til verið sjaldgæfur utan Afríku.

Árið 2022 greindust hins vegar tilfelli MPX veirusjúkdómi í mörgum öðrum löndum, innan og utan Evrópu, þar með talið á Íslandi. Tilfelli eru að greinast áfram víða um heim. Dreifing þessara smita er manna á milli, sem er óvenjulegra en ekki óþekkt. Allir geta smitast en sérstaklega hefur borið á smitum milli karla sem stunda kynlíf með körlum,“ segir á vef Embættis landlæknis. 

Nánari upplýsingar hér. 

• Blogga um frétt