Boeing frestar flugprófunum á 777X-breiðþotu
Setja bókamerki
Boeing hefur frestað flugprófunum á nýju 777X-breiðþotunni eftir að bilun í hlut sem tengir hreyflana við flugvélina kom í ljós.
„í skipulögðu viðhaldi greindum við hlut sem ekki virkaði eins og hann var hannaður,“ sagði í yfirlýsingu Boeing við AFP-fréttastofuna.
Boeing segir að verið sé að skipta um hlutinn og reynt verði að skilja hvað fór úrskeiðis. Þegar búið verður að laga vandamálið hefjist flugprófanir á nýjan leik.
Flugvélaframleiðandinn hefur ítrekað ratað í heimspressuna að undanförnu vegna áhyggna um gæðaeftirlit og bilana á vélum þeirra.
Áttu upphaflega að vera teknar í notkun 2020
Boeing 777X-breiðþoturnar voru kynntar í nóvember 2013 og eru nýjasta viðbótin við hinar vinsælu 777-flugvélar sem Boeing framleiðir.
777X-breiðþotan verður stærsta tveggja hreyfla flugvélin í notkun í heiminum. Yfir 500 breiðþotur af þessari gerð hafa þegar verið pantaðar en eru ekki komnar í almenna notkun.
Upphaflega áttu breiðþoturnar að vera teknar í notkun árið 2020 en því hefur verið frestað til ársins 2025 vegna vandamála við leyfisveitingar.
Ýmsir ekki í þeirri stöðu að vera með eftirlaun
Viðbragðsáætlun landvarða við Skaftá virkjuð
„Það var strax tekið eftir þessu“
Stýrivextir Seðlabankans áfram óbreyttir
„Því færri sem dvelja í bænum því betra“
Skjálftavirkni við Stóra-Skógfell
„Ákvörðunin skiljanleg út frá þeim gögnum sem liggja fyrir“