Trump skýtur fast á Kamölu bakvið skothelt gler
Setja bókamerki
Í dag hélt Donald Trump sinn fyrsta utandyra kosningaviðburð síðan morðtilraun gegn honum misheppnaðist fyrir mánuði síðan. Eins og vant er hélt hann á lofti háðsglósum gegn andstæðingi sínum, Kamölu Harris, bakvið skothelt gler á fjöldafundinum í Norður-Karólínu.
Trump sagði Harris „róttækustu vinstrimanneskju“ í framboði og að milljónir starfa muni „hverfa á einni nóttu“ sigri hún kosningarnar í nóvember. Á hann einnig að hafa sagt: „Ef Kamala vinnur í nóvember er nánast öruggt að af þriðju heimsstyrjöldinni verði.“
Fór út í mannfjöldann
Leyniþjónustan mælti með því að Trump héldi sig við viðburði innandyra. Annars hefur leyniþjónustan ekki viljað svara opinberlega um öryggisaðgerðir og undirbúning fyrir fundinn í dag.
Á einum tímapunkti í ræðu sinni yfirgaf Trump sviðið og gekk inn í mannfjöldann til að huga að áhorfanda sem átti við heilsufarsvandamál að stríða.
Norður-Karólína er eitt af svokölluðum sveifluríkjum forsetakosninganna sem búist er við að muni skera úr um úrslitin þann 5. nóvember.
Úrslit forsetakosninganna í Bandaríkjunum eru ekki ákvörðuð með heildaratkvæðum á landsvísu heldur ríki fyrir ríki. Hvert ríki hefur mismikið vægi í úrslitunum. Alls sjö ríki eru háð þessari óvissu og þar eyða frambjóðendurnir mestum tíma og peningum í kosningabaráttunni.
„Ákvörðunin skiljanleg út frá þeim gögnum sem liggja fyrir“
Bjarni: Algjör vatnaskil í samgöngumálum
Umferðagjöld lögð á eftir fimm ár
Svandís: Sáttmálinn „lifandi reikningsdæmi“
„Því færri sem dvelja í bænum því betra“
Gæti vel verið að áætlaður kostnaður hækki
„Það eru dimm ský á lofti“