Fyrsta tilfelli mpox-veirusjúkdómsins, sem áður kallaðist apabóla, hefur komið upp í Taílandi og er þar með það fyrsta í Asíu.
Um er að ræða 66 ára evrópskan karl sem býr í Tælandi og kom heim úr ferð til Afríku 14. ágúst.
„Við höfum fylgst með 43 einstaklingum sem hafa verið í nánu sambandi við sjúklinginn og hingað til hafa þeir ekki sýnt nein einkenni en við höldum áfram eftirliti í 21 dag,“ segir í yfirlýsingu frá heilbrigðisyfirvöldum í Taílandi.
Mpox-tilfellum og dauðsföllum fjölgar í Afríku, þar sem greint hefur verið frá faraldri í Kongó, Búrúndí, Kenía, Rúanda og Úganda síðan í júlí.
Alþjóðaheilbrigðismálastofnunin hefur lýst yfir neyðarástandi fyrir lýðheilsu á heimsvísu vegna nýja afbrigðisins af mpox og hefur hvatt framleiðendur til að auka framleiðslu bóluefna.