Töfralyf við Alzheimer fær grænt ljós

Lecanemab, nýtt lyf sem hefur sýnt fram á að hægja á framgangi Alzheimer-sjúkdómsins, gæti brátt fengið samþykki til notkunar í Bretlandi. 

The Telegraph greinir frá. 

Þetta lyf er talið stórt skref fram á við þar sem það er fyrsta meðferðin sem raunverulega hægir á þróun sjúkdómsins og dregur úr vitrænni hrörnun um 27% hjá Alzheimer-sjúklingum á fyrstu stigum sjúkdómsins.

Frétt af mbl.is

Fyrsta sinn lyf til að höggva á rót vandans

Lyfjaeftirlitsstofnun Bretlands (MHRA) er sögð líkleg til að gefa lyfinu grænt ljós, sem myndi þýða að það gæti orðið aðgengilegt í einkameðferðum á næstunni. 

Eftir það mun heilbrigðis- og umönnunarstofnun NICE, National Institute for Health and Care Excellence, taka ákvörðun um hvort lyfið verði veitt í gegnum stofnunina.

Áhyggjur af aukaverkunum

Lecanemab er gefið í æð á tveggja vikna fresti og vinnur með því að beina árás að og hreinsa amyloid-skellur úr heilanum, sem tengjast Alzheimer-sjúkdómnum. 

Klínískar rannsóknir hafa sýnt að sjúklingar sem fengu Lecanemab upplifðu hægara minnistap og betri vitrænni starfsemi samanborið við þá sem fengu lyfleysu.

Hins vegar eru áhyggjur af aukaverkunum, eins og heilaþrota og blæðingum, sérstaklega hjá sjúklingum með ákveðna áhættuþætti eins og APOE-genið eða þá sem taka blóðþynnandi lyf. Vegna þessara áhættuþátta gætu sumir sjúklingar ekki verið gjaldgengir fyrir lyfið.

Frétt af mbl.is

Nýtt Alzheimerlyf talið marka tímamót

Samþykkt í Bandaríkjunum

Í Bandaríkjunum var Lecanemab samþykkt á síðasta ári, en í Evrópu hafa eftirlitsaðilar verið varkárari. Ef NICE ákveður að innleiða lyfið, mun það krefjast fleiri greiningartækja eins og segulómskoðana og erfðaprófa til að greina þá sjúklinga sem geta notið góðs af því. 

Árangur lyfsins byggist mikið á snemmgreiningu, sem gerir fullkomna prófunarferla lykilatriði í árangursríkri meðferð.

• Blogga um frétt