Átta almennir borgarar drepnir í Úkraínu
Setja bókamerki
Átta almennir borgarar hafa verið drepnir í árásum Rússa víðsvegar um Úkraínu, að því er stjórnvöld í landinu greindu frá.
Um tvö og hálft ár eru liðin síðan Rússar réðust inn í nágrannaríki sitt Úkraínu.
Tveir voru drepnir í Sumy-héraði í norðausturhluta Úkraínu og í Karkív-héraði voru tveir almennir borgarar til viðbótar drepnir. Björgunarfólk fjarlægði jafnframt eitt lík úr húsarústum í Karkív eftir árás sem var gerð fyrr í þessari viku.
Vadym Filashkin, héraðsstjóri í Dónetsk, greindi einnig frá öðru dauðsfalli í héraðinu eftir árás Rússa.
Rússnesk stjórnvöld hafa haldið áfram sókn sinni inn í Dónetsk-hérað á sama tíma og þau reyna að stöðva gagnsókn Úkraínumanna inn í þeirra eigin hérað, Kúrsk.
Úkraínumenn hafa flutt almenna borgara á brott frá borginni Pokrovsk og svæðum í nágrenni hennar vegna bardaga.
Í borginni Kerson í suðurhluta Úkraínu voru tveir almennir borgarar drepnir og fimm særðust, að sögn héraðsstjórans Oleksandr Prokudin.
Kerson var frelsuð haustið 2022 en Rússar hafa þó haldið áfram árásum á hana.
Allt eðlilegt í rekstri orkuversins í Svartsengi
Hættustig í gildi vegna eldgossins
Hámarkshraðinn lækkaður niður í 50 á brautinni
Fótbrotnaði eftir fall ofan í sprungu
Göngumaður féll í sprungu í nótt
Mikill vindur torveldaði slökkvistarf
Sprungan um sjö kílómetra löng