Hét því að „feta nýja braut fram á veginn“
Setja bókamerki
Kamala Harris tók formlega við forsetaútnefningu Demókrataflokksins í Bandaríkjunum í gærkvöldi við mjög góðar undirtektir í borginni Chicago.
Í ræðu sinni hét hún því að feta „nýja braut fram á veginn“ og varaði við því að Bandaríkin myndu taka skref aftur á bak ef Donald Trump bæri sigur úr býtum í forsetakosningunum í nóvember.
Harris, sem er 59 ára, lagði áherslu á samstöðu og föðurlandsást í ræðu sinni.
„Í þessum kosningum hefur þjóðin okkar verðmætt tækifæri til að færa sig í átt frá bitru, kaldranalegu og sundrandi átökunum sem hafa átt sér stað, tækifæri til að feta nýja braut fram á veginn,“ sagði Harris við mikil fagnaðarlæti frá tugum þúsunda stuðningsmanna sinna.
„Og ég vil að þið vitið þetta: Ég lofa því að verða forseti fyrir alla Bandaríkjamenn.“
Að ræðunni lokinni kom varaforsetaframbjóðandi demókrata, Tom Walz, upp á svið til Harris ásamt fjölskyldum þeirra beggja. Héldust þau í hendur á meðan 100 þúsund rauðum og bláum blöðrum var dreift um sviðið.
Kántríhljómsveitin The Chicks flutti sína útgáfu af þjóðsöngnum The Star-Spangled Banner og poppstjarnan Pink steig einnig á svið.
Þurfa að skoða hvort virknin sé óvanaleg
Önnur hópsýking á Suðurlandi
/frimg/1/20/77/1207736.jpg)
Björgunarsveitir kallaðar út vegna fjölda veikinda
Talsvert hefur dregið úr krafti gossins
Gosið endurtekið efni
„Svartsengi er í hættu og hefur alltaf verið“