Tíu Palestínumenn drepnir á Vesturbakkanum
Setja bókamerki
Að minnsta kosti 10 Palestínumenn voru drepnir þegar Ísraelar réðust inn og gerðu loftárásir á þó nokkur svæði á norðurhluta Vesturbakkans.
Talsmaður Rauða krossins greindi frá þessu.
Tveir Palestínumenn voru drepnir í borginni Jenin, fjórir aðrir í þorpi í nágrenninu og fjórir til viðbótar í flóttamannabúðum skammt frá bænum Tubas, sagði Ahme Jibril frá Rauða krossinum. Hann bætti við að 15 til viðbótar hefðu særst.
Ísraelsher sagðist snemma í morgun hafa hafið „aðgerð til að stöðva hryðjuverkastarfsemi í Jenin og Tulkarm“ á norðurhluta Vesturbakkans.
Tveir dagar eru liðnir síðan Ísraelar sögðust hafa gert loftárás á Vesturbakkann, sem palestínsk yfirvöld sögðu að hefði orðið fimm að bana.
Átök á Vesturbakkanum hafa aukist samhliða stríðinu á Gasasvæðinu og hafa yfir 640 Palestínumenn verið drepnir af ísraelskum hermönnum og landnemum síðan Hamas gerði árásina á Ísrael 7. október í fyrra, samkvæmt tölum AFP sem byggja tölum frá heilbrigðisráðuneyti Palestínu.
Að minnsta kosti 19 Ísraelar hafa verið drepnir í árásum Palestínumanna á sama tímabili, að sögn ísraelskra embættismanna.
Konan sem missti meðvitund var í köfunarferð
Hroðaleg þróun sem þarf að bregðast við
Gosmóða víða um land og hraun „bunkast upp“
Réðust að 15 ára dreng með hnífi og hnúajárni
Bjartsýn á að opna nýjan Kársnesskóla næsta haust
Vandinn er meiri en margur heldur
Myndskeið: Ferðamenn flykkjast á Grindavíkurveg