Þrír lögreglumenn létust í árás á Vesturbakkanum
Setja bókamerki
Ísraelska lögreglan greinir frá því að þrír einstaklingar sem létust í skotárás í morgun á Vesturbakkanum hafi verið lögreglumenn.
Tveir karlmenn og ein kona létust.
Í yfirlýsingu frá viðbragðsaðilum sagði að um „alvarlega árás“ hefði verið að ræða.
Itamar Ben Gvir, öryggismálaráðherra Ísraels, heimsótti vettvang árásarinnar og kallaði eftir því að fleiri eftirlitsstöðvar yrðu settar upp á svæðinu.
„Rétturinn til lífs (Ísraelsmanna) er mikilvægari en frelsi Palestínumanna,“ sagði hann við fjölmiðla á staðnum.
„Í staðinn fyrir að frelsa hryðjuverkamenn, skjóttu þá í höfuðið.“
Umfangsmikil aðgerð Ísraelhers
Umfangsmikil aðgerð Ísraelshers hófst á Vesturbakkanum á miðvikudag. Sprengjur og skothríð heyrðust í Jenín–borg í morgun.
Að minnsta kosti 22 Palestínumenn hafa látist í aðgerðinni, þar á meðal 14 Hamas–liðar.
Frá því á föstudag hefur Ísraelsher beint aðgerð sinni að flóttamannabúðum í Jenín.
Um 650 Palestínumenn hafa látist á Vesturbakkanum frá því að stríðið hófst 7. október og að minnsta kosti 23 Ísraelsmenn.
„Ekki fyrsti karlinn sem gerir ráð fyrir rauða dreglinum“
Höfum tekið á móti of mörgum flóttamönnum
Leggur fram vantrauststillögu á oddvitann
„Hér eru tveir flugvellir“
„Ég bjóst ekki við þessum mikla halla“
„Ömurlegt“ að rifja manndrápið upp
Skýr skilaboð um að flýta vinnunni