Gíslar muni snúa aftur í líkkistum
Setja bókamerki
Hamas-samtökin hafa varað við því að gíslar þeirra snúi aftur til Ísraels í líkkistum ef hernaðarþrýstingur Ísraela heldur áfram.
„Þörf Netanjahús á að frelsa fangana með hernaðarþrýstingi í stað þess að gera samning mun þýða að þeir munu snúa aftur til fjölskyldna sinna í líkkistum,“ segir í tilkynningu frá Abu Obeida, talsmanni hernaðararms samtakanna.
Kemur þá einnig fram í tilkynningunni að þeim vígamönnum sem gæta gíslanna hafi verið sett ný fyrirmæli varðandi hvernig skuli bregðast við ef Ísraelski herinn myndi nálgast staðsetningu þeirra.
Sagði að Hamas myndi gjalda
Tilkynningin kemur í kjölfar blaðamannafundar Benjamíns Netanjahú í Jerúsalem þar sem hann sagði að Hamas-samtökin myndu gjalda fyrir að hafa tekið sex gísla af lífi um helgina.
Greint hefur verið frá að gíslarnir hafi verið skotnir í hnakkann stuttu áður en ísraelski herinn fann lík þeirra.
Vígamenn frá Hamas tóku 251 gísl í árás sinni á Ísrael 7. október sem varð kveikjan að stríðinu. 97 þeirra eru enn á Gasasvæðinu, þar á meðal 33 sem Ísraelsher segir að séu látnir.
Þrýstingur á að samkomulag náist
Joe Biden Bandaríkjaforseti fundaði í dag með bandarískum samningamönnum í von um að ná samkomulagi um lausn gísla í átökum Ísraela og Hamas-samtakanna. Bandaríkjamenn hafa í samstarfi við samningamenn frá Egyptalandi og Katar eytt mörgum mánuðum í að koma í kring skiptum á gíslum og föngum á Gasasvæðinu, ásamt vopnahléi.
Hundruð þúsunda Ísraela hafa safnast saman á götum landsins síðustu tvo daga til að þrýsta á stjórnvöld að ná samningum um endurheimt gísla.
Stelpur sláist en drengir beiti oftar vopnum
Fer ekki fram gegn Bjarna
Trausti kolfellir sumarið 2024
Myndir: Guðrún vígð sem biskup Íslands
„Bryndís Klara er dóttir mín“
Dýrt að reka eina vél
Börnin kunna jafnvel enga bókstafi
Réðust á ungan mann við Ölfusárbrú