Stór hluti handriðsins á stefni Titanic hefur losnað af og lent á sjávarbotninum.
Þetta kom í ljós eftir nýlegan leiðangur að flaki skipsins, sem sökk árið 1912 eftir að hafa siglt á ísjaka. 1.500 manns fórust.
Róbótar voru sendir að flaki Titanic í sumar og sýna ljósmyndir glögglega hvernig flakið hefur breyst eftir rúmlega 100 ár neðansjávar, að því er BBC greindi frá.
Atriðið þegar Jack og Rose, aðalpersónurnar í kvikmyndinni Titanic, standa við handrið skipsins er fyrir löngu orðið ódauðlegt í kvikmyndasögunni.